حــــــــــــــور العيـــــــــن
اهلا بكى عزيزتى الزائره فى منتدانا
ان اعجبكى المنتدى
فاننا نرحب بكى عضوه معنا
اسعدكى الله ووفقكى لما يحبه ربى ويرضاه

حــــــــــــــور العيـــــــــن

منتدى اسلامى للمرأه فقط
 
الرئيسيةالبوابةالتسجيلدخولتسجيل دخول الاعضاء

شاطر | 
 

 نصيحه لكل عروسه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
nody
مشرفه قسم العنايه بالجمال
مشرفه قسم العنايه بالجمال


عدد المساهمات : 18
تاريخ التسجيل : 04/12/2010

مُساهمةموضوع: نصيحه لكل عروسه   الجمعة ديسمبر 31, 2010 3:38 pm

أولاً



لازم تكونى واثقة من نفسك فى اليوم ده جداً، و تخليكى على طبيعتك اوى،و تبتسمى علطول،وتثقى فى كل خبراء التجميل والأزياء اللى هتتعاملى معاهم فى أحلى يوم فى عمرك و هو يوم زفافك،اليوم اللى بتحلمي بيه و بتفكري فيه من وأنت صغيرة.





ثانيا



رتبى أفكارك واحتياجتك قبل الفرح ب3 شهور على الأقل ، وخصوصا لو فى الصيف أو فى الأعياد ، عشان أماكن الأفراح فى الأوقات دي بتبقى زحمة جداً، ترتبى نفسك من أول الفستان لغاية القاعة اللى هيتعمل فيها الفرح و بعدين شكل المكياج والطرحة.



ثالثا



الرشاقة هي الحاجة المهمة اللي بتفكر فيها العروسة وعلشان الفستان يبقى حلو و مظبوط عليكي أنصحك أنك لو وزنك زيادة شوية أنك تتبعى نظام غذائى قبل الفرح على الأقل بشهرين،وإن وجباتك تكون بتحتوي علي كل ما هو صحى و مفيد و بلاش الوجبات السريعة لأنها ممكن يكون لها تأثير كبير على بشرتك ،كمان ممكن إن زيادة الملح أو السكر تظهر حبوب كتير فى أماكن كتيرة فى وشك وجسمك و خصوصاً لو كنت من الناس اللى عندهم حبوب أو إستعداد للحساسية وياريت لو لاقيتي اى حبوب ظهرت في بشرتك تروحى لدكتور جلدية عشان يشوف بشرتك ويقدم لك العلاج المناسب.



رابعا



لازم تهتمى ببشرتك قبل الفرح لفترة كافيةوتستخدمى ماسكات وزيوت طبيعية عشان يبقى جلدك ناعم وجميل زى بشرة الأطفال ،وتسيبى شعر الجسم قبل الفرح بشهر ونصف تقريباً وشعر الوش قبل الفرح بأسبوعين عشان يبقى سهل عليكى إزالته بسهولة.



خامسا



خلي بالك من أسنانِك كويس ، عشان دى أول حاجة بيشوفوها لمّا بتضحكى فى الفرح ،وياريت أنك تروحى لدكتور أسنان عشان تنظفيها قبل الفرح بأسبوع و لوعندك مشكلة فيهم لازم تصلحيها قبلها بشهر على الأقل.



سادسا



كمان الإهتمام بالعين حاجة مهمة جداً وده لان العين هي اللي بتبين جمال الوجه علشان كده ياريت تحاولى تنامى كويس قبل الفرح بأسبوع أنا عارفة إنه صعب بس حاولى، ولو هتلبسي عدسات ملونة أو نظر يبقي لازم تشترى واحدة جديدة قبل الفرح و متنسيش القطرة ممكن تحطى "فايزين" أو" بريزولين بلو " قبل الميك آب ، علشان القطرة بتساعد إن العين متكونش حمرا فى الفرح.




سابعا



بالنسبة للمكياج و الطرحة فدول بيكونوا أهم حاجة بتفكر فيها العروسة المحجبة...أما العروسة الغير محجبة فبتبقى قلقانة أكتر على شكل تسريحة شعرها هتبقى عاملة ازاى؟!،والإتنين عايزين يعرفوا الشكل النهائى فى الفستان و فى كل حاجة فى الفرح وطبعا كل حاجة من الحاجات دي هنتكلم عليها بالتفصيل في حلقات قادمة..


بس بصفة عامة ياريت أنك تختاري متخصصين سواء لتصميم أزياء فستانك اوخبيرة تجميل لمكياجك وشكل طرحتك وتكونى واثقة فيهم جداً وعندك حد مجربهم قبل كدة من العائلة أو من أصحابك أو شوفتى شغلهم فى الصور أو فى فرح حضرتيه وعجبك شكل العروسة.





ثامنا




حاجة تانى مهمة جداً هى التصوير وتفكيرك فيه لازم يكون جد جداً لأنك بتخرجى من الفرح كله بالصور والفيديو لان هما اللي هيفضلوا معاكى طول العمر، صور الزفاف وصور الفرح ، والمفروض إن إنتى تشوفى شغل المصور عشان تحددى الصور اللي إنتى عايزاها وبتحلمى بيها طول عمرك.



تاسعا



لازم تعملى شنطة صغيرة تحطى فيها أدوات تجميل بسيطة يعنى مثلاً برفان و شراب و إبرة و خيط أبيض ومقص صغير و مانيكير و أسيتون وقطن ومزيل مكياج وكريم مرطب ، إحتياطى عشان لو نسيتى حاجة تبقى معاكى، و كمان ممكن تستفيدى بيهم بعد الفرح إنشالله




فرحك من شخصيتك



لازم تعرفى شخصيتك نوعها إيه؟! قبل ما تتعاملى مع أى متخصص فى المكياج أو فى الشعر أو حتى فى الفستان فمثلا فى شخصيات كلاسيك و شخصيات مودرن شوفى إنتى مين فيهم و إعملي فرحك من شخصيتك.... هقولك إزاى:



الشخصية الكلاسيكية أو الهادية



مكياجها



فى الفرح لازم يكون هادئ، لأنها بطبيعتها مابتحطش مكياج كتير فى الأيام العادية، و فى الفرح ألوان الآيشادو أو ظل الجفون لازم يكون ألوانه فاتحة و بسيطة زى "الروز" و"الموف"و "البيج"،وكمان رسمة العين تكون رقيقة و مافيهاش أسود كتير يعنى لون واحد فاتح على الجفن و ماسكرا،وممكن لون فاتح جوه العين زى"الأخضر" أو"الأزرق" أو"الفضى"....


وألوان الروج لازم تكون هادية زى ألوان الآى شادو علشان تبقى متناسقة مع بعضها، و بيبقى عبارة عن ملمع فقط ، وكل الألوان دى بتليق على البشرة الفاتحة و البشرة الخمرية .



فستانها


فبيكون بسيط جداً لونه "أوف وايت" أو "أبيض" بس تطريزه قليل أوى ..وطبعا لو محجبة بتلبس بادى تل سادة، وفى تطريز على اللياقة والكم،أما الطرحة لو كانت دورين أو إسبانش برضه تطريزها قليل من الطرف بس الباندانا بتكون تل سادة أو عليها تطريز خفيف زى الفستان...


ولو غير محجبة تسريحة شعرها شينيون هادى ، وممكن تحط وردة صغيرة على جنب أو تاج بسيط ألماظ والحلق على قد الودن لولى أوألماظ.


كمان العروسة الكلاسيك ممكن فرحها يبقى "أوبن آير" يعنى خارجى بالنهار فى فيلا أوجنينة أو حتى على حمام السباحة فى فندق .



الشخصية المودرن أو الشقية



المكياج



فى الفرح لازم يبقى جرئ ، لأن فى الطبيعى بتاعها بتحط ميك آب واضح و كتير، وألوان الآيشادو يفضل انه يكون غامق زى "الأسود" و"البنى" و"الموف البتنجانى" ، وكمان رسمة العين "سموكى" أو" أسود مدخن" و" رموش تقيلة"...وألوان الروج فهي أما إن تكون "أحمر"،"فوِشيا" ،"موف" و ممكن جليتر على الآي شادو والروج ...



الفستان


فبيكون مليان تطريز و أحجار وممكن كمان تحط ورد فى الفستان زى "الموف"أو "الأخضر"،والطرحة مطرزة من الأطراف تطريز خفيف عشان الفستان فيه تطريز كتير و الباندانا تكون تل مطرزة و ممكن تاج ألماظ كبير عليها ..ولو غير محجبة ممكن تغير لون شعرها يبقى هاى لايت أصفر أو أحمر و تسريحتها تبقى مرفوعة و عليها اكسسوار ألماظ ، و الحلق يبقى كبير و بيلمع ..


أما الفرح فبيكون فى قاعة كبيرة فى فندق أو فى نادى كبير


وفي النهاية لازم نقول إن فى عروسة ممكن تعمل فرح بسيط فى البيت أو كتب كتاب فى الجامع و بعدين عشاء فى فندق للعائلتين فقط أو حتى متعملش فرح خالص ،لكن بيبقى أهم حاجة عندها هى صور الزفاف عشان كده كل واحدة لازم تهتم بكل تفاصيل مظهرها فى اليوم الجميل ده .

الرجوع الى أعلى الصفحة اذهب الى الأسفل
الهى انت تعلم كيف حالى
مشرفه شرفيه
مشرفه شرفيه
avatar

عدد المساهمات : 46
تاريخ التسجيل : 02/12/2010

مُساهمةموضوع: رد: نصيحه لكل عروسه   الثلاثاء يناير 18, 2011 8:17 am

ماشاء الله نصائح غالية
بس مين هايطبقها تفتكرى دة بتكون العروسة عنيها فى وسط راسها عاوزة عروسة رزينة وعاقلة وبايعة الدنيا وشارية دماغها
الرجوع الى أعلى الصفحة اذهب الى الأسفل
اللهم إرحم أخى محمود

avatar

عدد المساهمات : 5
تاريخ التسجيل : 18/05/2011

مُساهمةموضوع: رد: نصيحه لكل عروسه   الأربعاء مايو 18, 2011 8:47 pm

ما شالله عليكى ربنا يباركلك حبيبتى
بس الصور لا تجوز حبيبتى شرعا ربنا يحفظك يااااااااااارب
الرجوع الى أعلى الصفحة اذهب الى الأسفل
تـــــــاجى نقابــى
مديره المنتدى
مديره المنتدى
avatar

عدد المساهمات : 237
تاريخ التسجيل : 30/11/2010
العمر : 31
المزاج : الحمد لله

مُساهمةموضوع: رد: نصيحه لكل عروسه   الخميس مايو 19, 2011 5:33 am

اللهم إرحم أخى محمود كتب:
ما شالله عليكى ربنا يباركلك حبيبتى
بس الصور لا تجوز حبيبتى شرعا ربنا يحفظك يااااااااااارب
صح يااختى ربنا يبارك فيكى يارب

_________________
الرجوع الى أعلى الصفحة اذهب الى الأسفل
http://7orel3yn.forumegypt.net
عاشقة الرحمن
المشــرفة العـــامـــة
المشــرفة العـــامـــة
avatar



عدد المساهمات : 243
تاريخ التسجيل : 09/05/2011
العمر : 37
المزاج : الحمد لله فى كل حال ...

مُساهمةموضوع: رد: نصيحه لكل عروسه   الخميس مايو 19, 2011 7:58 am

جميل اوى ربنا يباركلك

بس فعلا العروسه بتكون محتاجه لحد يخططلها ده كله
لانها بتكون فى عالم تانى

لانها دخله لحياه جديده

_________________
الرجوع الى أعلى الصفحة اذهب الى الأسفل
الهى انت تعلم كيف حالى
مشرفه شرفيه
مشرفه شرفيه
avatar

عدد المساهمات : 46
تاريخ التسجيل : 02/12/2010

مُساهمةموضوع: رد: نصيحه لكل عروسه   الأحد مايو 22, 2011 4:33 pm

جزاكى الله خيرا يارب بس اساسا العروسة بتبقي اليوم دة اخر لخبطة
الرجوع الى أعلى الصفحة اذهب الى الأسفل
 
نصيحه لكل عروسه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
حــــــــــــــور العيـــــــــن :: العنايه بالجمال :: تزيين العروسه-
انتقل الى: